Sudut Pandang Sosiosatra
SONGON parro ni ronggur di hos ni ari, songon i ma ro barita na pinaboa ni Dr Jacobda. “Ingkon operasi angkat ginjal do, Inang. Ai nunga sanga posa, ndang boi be ginjal sabola hambirangmi manaring mudar songon na somal. Biar roha, olo gabe infeksi, busuk.”
Tompu maoto jala humatotong ahu umbege hata ni doktor on, Dr Jacobda. Manigor golap saluhut portibi huhilala. Tahuton ahu, mabiar situtu. Ginjal, na huingot – piapia ma goarna di Hata Batak. Obangon ma ninna molo marsahit ginjal. Jorbut do ninna sahit on. Pola do didok sahit raja molo marsahit batu ginjal. Na deba mandok batukarangon.
Doktor na huadopi on ma sada urolog na mansai malo jala pos rohanghu marnidasa. Di bagas biarhu i, hupatogu pos ni rohanghu, na ingkon boi do mulak hipas ahu marhite ibana.
“Alai …, boi do malum ahu ‘kan, Dokter?” ningku, huhut tumatangis sosombopom.
Mansai sabam do Dr Jacobda mangadopi ahu. Lambok hita. Ndang adong na so tarpatupa Debata, Inang. Porsea ma dohot bohina mangalusi, “Pos roham, Inang. Martangiang ho!”
Laos ditiop dokter i tanganhu huhut diuduti mandok, “Ndang operasi na maol on, Inang. Pos roham. Jala ginjal siamunmi denggan do.”
Songgot songon parsonggop ni Tondi Porbadia huhilala nunga hea operasi ahu sahali. Adong cairan di ginjalhu umbege hatana i. Pos jala ndang ganggu be rohanghu. Parjolo parhambirang. Di si ma mulana Dr Jacobda hutanda. Nian nunga tarbarita goarna. Sahalak dokter na tung mansai serep marroha jala malo mambahen asa sabam roha ni angka na marsahit, pasien na niubatanna. Tarsongon ahu.
Alai, salpu sian adopan ni doktor i, mulak sai balisaon pingkiranhu. Gok biar. Aha ma na masa tu ahu haduaan? Ai ingkon buatonna ma ninna ginjal hambiranghu on. Adong cairan na digoari kista. Molo dung sungkot jala rundut pingkiranhu, husungguli ma hatana na mandok asa martangiang. Ndang adong na so tarpatupa Debata. Tutu ma i, hulompit tanganhu martangiang. Marsihohot pos ni rohanghu na ingkon malua ahu sian parsahiton on.
Mulak ma ahu tu huta. Sai dipaserbeng-serbeng supir nami on ma dompak ahu siala sipata tarilu ahu. Alai ndang tardoksa manang aha. Ndang apala biar hombar tu operasi on na naeng huadopi, alai manginongi di rohanghu, boha ma asa boi diantusi amang parhalang ulunghu taringot tu parsahitonhu on. Saminggu nari nunga ingkon operasi ahu.
Di na sahat ahu tu jabu, hupaboa ma saluhut na pinajojor ni doktor i. Alai sai sip jala hohom do. Ndang adong idaon na diharinghothon amantanghu on aha na hupajojor i. Ndang adong nanggo otik lomos i rohana. Hape nunga pola marabur ilu ahu.
“Sae ma i. Ai ndang naung diboto ho sian nahinan na songon i do pangalahona?” gabe ningku mamurai diringhu sandiri. Ai saut pe hami antong tarpasu-pasu ala na dipatoho-toho namboru nahinan do. Nian sian na huida, godang do halak denggan jala sonang mardongan saripe, agia pe marhite na dipatoho-toho. Hape ianggo na hudalani on, tung maol do huantusi rumang dohot bunga-bunga ni parsaripeon dia do ulaning na masa tu hami, Gabe sai hira na dipasombu ibana do ahu ala di parsahiton. Mardomu muse hinorhon ni na sai lalap di parsahiton, gabe ndang haru dipangido roha dope asa tumibu marianakhon.
Sian bornginna i, jala sahat tu na lima ari na mangihut muse, laos mardosdos do huhilala marnida amang parhalang ulunghu on. Ah, tahe! Sipata gabe amang-amang nama hudok laho papuas hansit ni rohanghu. Borhat ma ibana manogot laho tu parkarejoanna, alai mulak ma di robot ni ari marsogot. Sipata nunga mandok tahuak manuk. Muap ma bau ni tuak dohot sigaret na mambahen sosak iba marhosa. Tarsor hutingkir hempon-na, rarat do whattsapp dohot video na so suman disi.
Sadari nari laho borhat tu Medan asa mandalani operasi, borhat ma ahu tu jabu ni inonghu. Ingkon hutopot do dainang pangintubu, asa jolo ditangianghon ahu. Disi huida dainang, tumatangis situtu ma ahu. Autsura boi, ingkon hutabunihon ma mansai sugut angka arsak dobot bolso na di rohanghi hiras bohinghu. Hape, ndang adong hape gogonghu marbuni-Unang dohot dainang marsak. Hupaula mengkel. Hupahiras-buni di adopan ni dainang.
“Pos roham, Inang. Na ingkon malum do ho. Gomos martangiang pasahat sasudena tu Debata. Ai Ibana do Siparorot Tondim, di na marsak manang sonang pe ho saleleng ngolum.” ninna Dainang mansai lambok sian serep ni rohana. “Aha na nidok ni dokter, haporseai ma i na gabe dalan asa hipas tondi nang pamatangmu. Ahu pe mandongani ho tu Medan.”
“Lali bolon do ho di ahu, Inong, na mangondingi jala manghohopi ahu di toru habongmu,” hualusi nanget. Huhaol Dainang huhut tangis ansosombopon.
Saut ma hudalani operasi i. Marhagogoon ma tutu tangiang, lumobi tangiang ni apala dainang pangintubu. Diramoti Debata do ahu, dipasu-pasu jala didongani Tondi Parbadia do team doktor i rap dohot angka perawat na manghobasi operasi. Sonang so haribo-riboan. Adong do dua minggu lelengna Dainang mandongani ahu pasca operasi. Dipasombu do luhut angka na somal ingkon siulahononna di huta, holan laho mandongani jala pature-ture ahu. langgo amantanami i, bulus do rohana ndang manganturehon. Ra didok rohana, laos mate ma nian ahu na mandalani operasi on.
Nang pe songon i, adong do Inong di lambunghu na mambahen ahu margogo jala gomos martangiang. Pos. rohanghu, ingkon tangihonon ni Debata do tangianghu, tangiang ni dainang. Ingkon do malum ahu sian parsahiton on.
Tonga borngin tarsunggul ahu. Hubereng tu siamun podomanhu, disi do dainang renge modom marlagehon kasur na tipis. Hupaihut-ihut ganup garis hurenghut huling-hulingna, marlukluk pardompakanna. Di si do boi hujaha ganup parsorion dohot parniahapan ni dainang di sangunjur ngoluna, lumobi dung ditadinghon Damang nahinan. Disi do hoihoina. Disi do arsak dohot andungna. Di si do panghirimanna. Di si tangiangna.
Mauliate, ale Debata,” ningku manghusiphon tangianghu. “Ho do tutu Siparorot tondinghu, di na marsak manang sonang, saleleng ngolunghu.”
Analisis Unsur Intrinsik, Pandangan Masyarakat, Nilai Sosial
Unsur Intrinsik
1.Judul: “Siparorot Tondi” yang dapat diartikan secara harfiah sebagai “Penjaga Jiwa/Roh.” Penamaan ini sangat relevan karena narasinya mengisahkan usaha untuk merawat dan melindungi semangat hidup (tondi) di tengah ancaman kematian dan penyakit.
2.Pengarang: Erlina Anriani Siahaan (penulis utama cerita ini) dan Saut Poltak Tambunan, dkk (penyusun buku).
3.Tema: Pertarungan Spiritual dan Ketergantungan pada Tuhan (Debata) ketika menghadapi penyakit serius, terutama terkait isu ginjal. Subtema utama mencakup ketahanan hati, harapan, dan kekuatan doa.
4.Alur: Maju. Narasi dimulai dengan diagnosis yang mencemaskan diikuti dengan persiapan emosional dan fisik menuju operasi, sampai pengalaman di rumah sakit dan saat-saat pasca operasi, diakhiri dengan renungan spiritual.
5.Latar:
– Latar tempat: Rumah sakit (tempat tindakan operasi dan perawatan, termasuk nama dokter Dr Jacobda serta persiapan tindakan di Medan). Disebutkan juga aktivitas di rumah saat penulis sedang diberi dukungan sebelum berangkat ke Medan.
– Waktu: Secara keseluruhan adalah masa kini terlihat dari penggunaan teknologi komunikasi modern seperti WhatsApp untuk berbagi foto dan video, mencakup waktu persiapan hingga pemulihan pascaoperasi.
6.Tokoh dan Penokohan:
– “Ahu” (Aku/pengarang) karakter utama dikenal sebagai individu yang memiliki iman yang kuat (martangiang/berdoa), berpegang teguh (“pos roham”), dan awalnya sangat takut (tumattangis, hulompit tanganku martangiang), namun berusaha untuk bersabar dan percaya kepada Tuhan. Ia adalah seorang pasien yang menghadapi penyakit berat (ginjal busuk).
– Dr. Jacobda: Seorang dokter bedah yang digambarkan sebagai sosok yang menenangkan (Lambok dohot boina mangalusi), profesional, dan religius (menyebut nama Debata/Tuhan untuk memberikan dorongan).
– Damang ‘Ayah’: Sosok yang memberikan semangat dan perlindungan (Siparorot Tondi), yang senantiasa mengingatkan untuk selalu bergantung pada Tuhan.
– Angka Teman/Saudara/Keluarga: Diilustrasikan sebagai individu yang perhatian dan membantu (mengunjungi, mengirim pesan serta video melalui WhatsApp).
Pandangan Masayarakat mengenai Unsur Intrinsik
Pandangan masyarakat mengenai unsur intrinsik (sosial-sastra):
1) Fungsi keluarga (struktur sosial), kehadiran Inang dan Damang sebagai sumber energi dan pendukung spiritual sangat ditekankan. Dalam pandangan masyarakat Batak, dukungan dari keluarga (holong ni dongan sabolahan) merupakan elemen yang sangat krusial. Ayah (Damang) berperan sebagai “Siparorot Tondi” (Pengasuh Rohani) yang memandu pada kepercayaan spiritual untuk penyembuhan, menunjukkan signifikansi peran orang tua sebagai teladan dalam iman.
2) Keyakinan spiritual (Religi), meskipun pendekatan medis (Dr Jacobda) dijadikan jalan untuk penyembuhan, unsur Debata (Tuhan) dan Tangiang (Doa) dijadikan dasar utama. Pandangan masyarakat di sini menyatakan bahwa usaha manusia (dirop dohot angka perawat) perlu dilengkapi dengan restu Ilahi (dipasu-pasu jala didongani Tondi Parbadia). Ada kesadaran bahwa di luar kemampuan dokter, terdapat kuasa Tuhan yang menentukan takdir (sotartupa Debata).
3) Konsep tondi, judul dan isi kisah menekankan konsep Tondi (roh/jiwa) yang sangat berarti dalam kepercayaan Batak. Penyakit berat dipandang sebagai ancaman serius bagi tondi, dan upaya penyembuhan dianggap sebagai usaha untuk menyelamatkan tondi. “Siparorot Tondi” di sini dapat dipahami sebagai sosok Ayah atau kekuatan Iman yang menjaga jiwa tetap utuh dan kuat, menolak kehadiran roh jahat (busuk) yang berasal dari penyakit.
4) Dukungan sosial modern, pemanfaatan WhatsApp untuk menerima bantuan dan informasi (turor hutingkin hempon-na, rarat do whatsApp dohot video) menunjukkan bagaimana masyarakat Batak beradaptasi dengan teknologi, di mana hubungan sosial dan dukungan emosional diperluas melewati batas geografis melalui platform digital.
Nilai-nilai Sosial
Terdapat berbagai nilai sosial, budaya, dan spiritual yang dihadirkan dalam narasi ini:
1) Nilai agama/spiritual, keyakinan dan doa. Ini merupakan nilai yang paling utama. Pasien dan keluarganya terus-menerus meminta bantuan dan berserah kepada Tuhan, percaya bahwa “pos roham, Inang. Martangiang dohot boina mangalusi” (tabahkan hatimu, Ibu. Berdoalah dan berjuanglah). Kesembuhan berasal dari kombinasi antara usaha medis dan izin Tuhan.
2) Nilai keluarga (Holong), rasa sayang, dukungan, dan perhatian dari keluarga (holong ni dongan tubu). Ayah, Ibu, dan sanak saudara hadir memberikan semangat, baik secara fisik (mengunjungi, menemani ke Medan) maupun secara spiritual (manortor songon parsonanggon ni Tondi Porbadia).
3) Nilai keterbukaan dan penyerahan, tokoh utama menunjukkan keterbukaan terhadap kondisi yang dihadapi dan penyerahan yang tulus terhadap nasib, namun tetap berjuang. Meskipun dalam keadaan takut, ia tetap mengikuti saran kesehatan dan spiritual.
4) Nilai kemanusiaan (marsihol). terdapat nilai-nilai kemanusiaan yang tampak dalam bentuk empati dan perhatian dari kerabat serta lingkungan sosial, tercermin dalam kata-kata, kunjungan, dan pengiriman pesan untuk memberikan dukungan.
5) Nilai kerjasama (dongan), walaupun tidak terlihat dengan jelas dalam bentuk kegiatan fisik, dukungan dari dongan tubu (saudara/kerabat) dalam menghadapi ujian menunjukkan semangat kebersamaan dan saling membantu dalam budaya Batak. (***)
Para penulis:
- Drs Jekmen Sinulingga M Hum (dosen Prodi Sastra Batak Fakultas Ilmu Budaya USU)
- Febe Elnosa Kasih (mahasiswa Prodi Sastra Batak Fakultas Ilmu Budaya USU)
- Anggun Yuni Sarah Saragih 230703014 (mahasiswa Prodi Sastra Batak Fakultas Ilmu Budaya USU)
