Hatiha i tongon di ari partaonan ngali di luat Dois. Di kantor na balga, sian na dao nunga sai ditatap Tuan Gustav huhut paimahon sahalak Tuan Pandita naposo H Johansen laho pasahat bisoloit, laos paborhathon ibana tu tano Batak Utara.
Ndang apala ganjang be tona ni Tuan Pandita Gustav, sahalak pandita naung matua, “Denken Sie an meine Botschaft vergessen Sie nicht die pietistischen Lehren.” (Hupaingot sahali nari, so tung lupa tu poda Pietis.)
Gomos dijalang Tuan Pandita naposo Johansen tangan ni Pandita Gustav na marsuru ibana, “Okay, Sir, danke.” (Mauliate, Tuan.)
Sian mulana i pe dungkon ro zendeling tu Tano Batak, marondolan manang masuk tu horong Pietis do poda haporseaon na binoan ni RMG – Rheinische Missionsgesellschaft manang Serikat Misionaris Rhein na marpusat di Barmen, Jerman. Zendeling, bahasa Bolanda, mandok misionaris Kristen Protestan.
Songon i ma hape ringkotna Pietis uju i. Pola ingkon gomos ditonahon lumobi tu angka pandita naposo, asa tongtong mangaradoti Pietis di panghobasionna. Unang lipe.
Pietisme, haimbaruon ni ngolu marhaporseaon di dohot 18, na mangondolhon pangulaon di haporseaon Protestan, ima di ruas Lutheran Jerman di abad-17 dohot ‘parmingguon’ na lumobi jala umbagas di diri sandiri. Ndada holan formalitas dohot ritualisme di bagas gareja. Astuanna sude halak naung gabe Kristen ingkon polin, marhabadiaon laho mangulahon dohot manghangoluhon hata ni Debata, tongtong di bagasan serep ni roha, jala ndang hisapan di arta portibi on. Pietisme huhut do mangaradoti parsaoran sosial dohot pendidikan manang pangajarion.
Hombar tu partingkian, nunga tung marmajuon parngoluan ni halak Batak marhite haroro ni angka zendeling, na mangajari, dohot mangaramoti hahipason ni pamatang, laos pasahat barita na uli laho mangaramoti partondion. Marhusor ma zaman, ndang tarjua Maradu-adu ma halak Batak manjanghon haimbaruon di parngoluan siapari, marhite parsingkolaan na pinajongjong ni zendeling, halak sibontar mata i.
Hombar tu poda Pietis, hatiha i di Tarutung dohot humaliang nunga dipungka ragam parsingkolaan asa marhamajuon parngoluan ni bangso i. Asing ni singkola zending sitolu taon na pinungka ni zendeling di torop huta, mangihut ma muse singkola guru di Seminarium Zoar Pansurnapitu. Dung i munsat ma tu Sipoholon, somal didok parhutaan Simanare.
Di Kota Tarutung dipajongjong pamarenta Bolanda ma singkola gubernemen sionom taon. Marhata Malai do di singkola i, gabe marsiadu ma angka natoras paborhathon anakhonna tu parsingkolaan i. Atik tung boi muse dijalo gabe pegawe di kantor pamarenta.
Raja Nikodemus, i ma sahalak raja huta na tarbarita, na paborhathon anakhonna tu singkola gubernemen. Molo didok ‘raja’ hatiha i, marsurat ‘r’ na metmet, ndang “R, ndada ala manguluhon harajaon. Hasomalan ma i laho pasangap raja huta dohot angka pangitua di paradaton. Ndada raja pargomgom na marharajaon songon na masa di luat na asing, isarana Raja Raden Wijaya sian Kerajaan Majapahit.
“Anaha, Saul, nunga hupingkiri tu singkola gubernemen na di sirpang opat Pasar Tarutung ma ho manguduti parsingkolaanmu, ndang pola tu Simanare Sipoholon,” ninna raja Nikodemus.
“Ai nunga dos roha nami, ahu dohot Lae Johan, asa tu Simanare hami manguduti parsingkolaan nami. Bapa pe satolop. Hape boasa gabe mimbar muse roham, Bapa?” ninna si Saul, nanget do soarana pasahathon hatana tu bapana i.
“I ma da, lam hupingkiri dumenggan ma ho tu singkola gubernemen. Asa bolas muse laho ho borhat tu luat pangarantoan pareak hamajuon. Didok rohangku dumenggan ma i, unang apala sai tinggal di huta on ho muse.”
Sai unduk do si Saul manangihon poda ni bapana. Alai marhusari do rohana, marningot padanna dohot laena si Johan, anak ni namboruna i. Diingot ibana panghataion nasida, di tingki parpudi pajumpang. Nunga hot togu sangkap nasida. Mansai ondol do dihatahon si Johan angan-anganna gabe guru molo dung tammat sian Simanare.
“Boha do ia ho, Saul?” ninna si Johan mansai hibas pasahathon hatana tu laena, anak ni tulangna raja huta i
“I ma tutu, Lae, hubege bortikna, angka naung tamat sian Simanare, dung piga-piga taon tammat sian singkola guru, mangula ma songon guru. Dung i boi do muse masuk tu singkola pandita, toho do barita i, Lae?” dialusi si Saul.
“Toho do, Lae, nunga tibu binoto barita i. Uju di Pansurnapitu dope nunga torop so piga na borhat tu luat bariba laut laho manguduti parsingkolaanna.”
“Bah, i do hape, Lae?”
“I do. Tu Jaua, tu Depok, ndang apala dao ninna sian Batavia, Lae.”
Hatiha umbege barita i, tamba do minar ni pardompakan ni si Johan na patolhashon barita i. Baliksa, gabe sai unduk do si Saul mamingkiri hata ni laena i.
“Molo ahu, asal boi tarpasidung parsingkolaanta di Simanare, nunga las rohangku. Asa anggiat boi dapot hita karejo na unsuman, tanda naung parjolo hutanta Silindung on mangeaki hamajuon i” mansai tobok jala manat do si Saul pasahathon hatana i
“Jadi pajumpang di Simanare ma hita muse da, Lae, pos rohanghu ingkon monang do hita di eksamen i muse, randa naung satahi. Si Saul pe nunga hibul rohana naeng ate,” ninna si Johan.
Mansai gomos nasida marsijalangan, gabe guru na burju tu joloan ni ari on.
Hape dung gabe mimbar na piningkiran ni raja Nikodemus, sai naeng alusan ni si Saul do nian pandapot ni bapana i, alai disundati ma i. Ai dibereng nunga manai marsitutu bapana.
“Pos ma rohanta,”ninna ma bulus. “Saguru di Tuhan ma. Sai na dumenggan do sangkap ni Tuhan.”
Toho di ari eksamen laho masuk tu Simanare, dipasahat si Saul ma surat marhite sahalak parsingkola na sian Pasar Tarutung, tongon naung parjolo singkola disi.
“Horas, Lae, hamu do tahe si Johan? Lae ni si Saul anak ni ompungku raja Nikodemus sian pasar Tarutung?”
Songgot roha ni si Johan. Ise do baoa on?
“I do, Lae, apala aha hian, Lae?” ninna si Johan huhut sai marhusari rohana ala ndang apala ditanda ibana ise baoa na manise on.
Dung marsijalangan nasida, dipasahat ma surat na sian si Saul i tu si Johan. Dipasahat si Johan hata mauliate, marsihorasan jala pintor laho do si baoa i manadinghon si Johan.
Tongon ari logo hatiha i di Silindung, gok samon ma antong parsingkolaan i di manogotna. I ma di Simanare parsingkolaan na tarbarita i. Rambon dope humaliang parhutaan i, alai nunga torop marroan angka na laho mandohoti eksamen i.
Songon na marlobok do taroktokna. Surat sian ni laena si Saul. Aha do ulaning isi ni surat on?
Parhorasan ma di ho, Lae Johan, anggiat di bagasan hahipason ho manjalo surat on. Santabi godang, lae na burju, pintor tu impola ni surat on ma hupatolhas tu ho, Lae. la ahu ndang saut be manguduti parsingkolaanku tu Simanare, gabe tu singkola gubernemen na di Pasar Tarutung do ahu manguduti parsingkolaanku. Haduan pe tingki pajumpang bohi ma hita asa hupaboa aha do sialana umbahen gabe mimbar ahu sian hatanta, naung satolop hian hita rap marsingkola di Simanare. Sai monang ma ho, Lae, di eksamen sadari on, jala pahibul ma roha dohot pingkiranmu, da lae na burju. Tuhan Jesus ma donganta jala na sai tongtong mangaramoti hita.
Tabe sian ahu, laemu, Saul.
Bah, aha ma ulaning na masa tu laenghu si Saul on? Sanga ganggu roha ni si Johan. Tuani do nunga hibul rohana laho manghamonanghon eksamen i, gabe bulus ma dipadao surat ni si Saul i sian roha dohot sian pingkiranna.
Saut ma songon i. Si Johan do marsingkola di Simanare, laos songon i si Saul marsingkola gubernemen di sirpang opat pasar Tarutung.
Hatiha pakansi singkola, laos tongon ari Sabtu onan godang di Tarutung, diihuthon si Johan ma inang na maronan tu Tarutung.
“Dohot ma ahu inong tu pasar Tarutung, asa laos boi pajumpang ahu dohot Lae Saul. Nunga marjanji hami pajumpang.”
“Antong nunga denggan be i, laos boan ma manuk jambe on tu jabu ni tulangmu i.”
Sahat ma di jabu ni tulang raja Nikodemus. Tongon di jabu do inang ni si Saul.
“Na ro do hape hamu? Uee, dohot muse bereniba si Johan?”
“Olo, Eda.”
“Hape molo ibotomu, apala i dope laho tu pasar manuhor timbahona.”
Mansai denggan do nasida na marhula-marboru i, tarida do i sian minar ni pardompakan dohot lambok ni paniseon nasida na dua. “Masuk ma hamu, Eda. Boha parsingkolaanmu, Bere Johan? Laem si Saul martapian dope, satongkin nari sidung ma i.”
Andul do marasing bagas ni raja Nikodemus sian angka jabu na di huta i, ala tarbarita do hamoraon nasida songon partombak haminjon na bidang uju i. Di tingki i ndang haru piga halak dope jumpang di dorpi ni jabu na manangkothon gombaran na balga, songon gombaran ni raja Jeremia, i ma ompung suhut ni si Saul na umpompar raja Nikodemus.
“Pahundul hamu ma jolo, Ede. Satongkin nari mulak ne ma ibotomu.”
Ndang sadia leleng mullop ma si Saul. Dung marsipaidaan nasida, pintor dipaherbang tanganna be laos marsihaolan. Sai naeng dipatolhas si Saul do nian hatana, alai nunga sai naeng dipasuang iluna, huhut ditiop tangan ni si Johan.
“Santabi, Namboru, dohot di ho, inong, tartungkan alaman adui ma hami marsirarian da!” ninna si Saul.
“Olo, amang, nunga patutna i. Hamu na marlae, naposo, sai godang do sitaringotanmu,” ninna Nai Johan, laos diuduti muse huhut mengkel, “Eda, pauli hamu jolo na huboan sian hutanami on, he he he.”
Dipasahat si Johan ma manuk jambe i tu nantulangna, “Holan on do huboan hami, Nantulang, las ma rohamu, da Nantulang.”
Mengkel suping nantulangna manjalo. Minar pardompakanna.
Ndang pola sadia leleng, nunga sahat raja Nikodemus tu alaman ni jabu, dibereng muse berena si Johan sahundulan dohot anakna si Saul. Pintor dihalaputi si Johan ma manomu tulangna i.
“Horas, Tulang, hipas do tulang dohot nantulang hudapot hami,” ninna si Johan huhut dipaunduk simanjujungna laos dijalang gomos.
“Inongmu?”
“Di bagas do, Tulang. Dohot Nantulang.”
“Bah, tutu nunga marsiajar doli-doli hape ho, Bere. randa do nunga leleng hita na so pajumpang i. Tole uduti hamu ma marsirarian dohot laem si Saul, tu jabu ma jolo ahu
Diuduti si Saul ma panghataion nasida, huhut sai naeng manetek iluna, “Dung hubege haputusan ni bapa, na ingkon tu singkola gubernemen ahu singkola, mansai Jungun do rohangku, Lae. Ai ndang tarpatolhas hita be rampak sinta-sinta ni rohanta i.”
“Alai manungkun ma jolo ahu, Lae, aha do sialana umbahen mimbar roha ni datulang, asa gabe ndang saut Lae tu Simanare?” Tarpaima situtu do si Johan di alus ni laena on.
Sanga sai tungki si Saul ala sai hirim do rohana hian boi rap dohot laena on marsingkola di Simanare. Nanget ma dipatorang, “I ma da, Lae, didok bapa nunga lam tu maju na partingkian on, jala didok muse molo dung hupasidung parsingkolaanhu, boi ma laho ahu mangaranto. Isarana tu Tano Deli, ala mansai porlu do di angka kongsi na di kobun na disinon i, angka parkarejo kantor, i ma na ginoaran di tingki on borhat laho marhamajuon. I do alana, Lae.”
“Tutu do i, Lae, nunga torop so piga pangisi ni luatta on manopot tano pangarantoan i. Didok na deba, sonang jala tabo do parngoluan di Tano Deli, alai ihut tusi gok do nang parmaraan sijagahonon disi, Lae. Alai tahe songon i do pardalanan ni ngolunta on, marsitopot dalanna be jolma i do saguru tu sangkap ni Tuhan i. Hita pe songon i do, atehe Lae?”
DAPOT tingkina, sidung ma parsingkolaan ni si Johan sada huta na lingling di luat Humbang. Suang songoni nang jala nunga tung tangkas ibana malo marhata Malai. Ai hata si Saul paujung parsingkolaanna di singkola gubernemen, Malai do antong dipangke di singkola na pinajongjong ni Bolanda i. Tutu, hadengganansa ma antong pangkeon hata Malai tu luat pangarantoan, laho marhamajuon tu Tano Deli na tarbarita i.
Mansai las roha ni raja Nikodemus dung dipasidung si Saul parsingkolaanna di bagasan onom taon di singkola gubernemen, manguduti singkola zending sitolu taon.
“Mauliate ma di Tuhanta ala boi do sahat ho ro di na paujunghon parsingkolaanmu, tongtong do hita di bagasan hahipason,” ninna raja Nikodemus manogot 1. Disirup kopi na pinarade ni Nan Saul.
Anak sihahaan do si Saul, anggina si Baginda naung kalas opat, dua halak ibotona si Naomi dohot si Lidia. Di mulana i ndang pola laho roha ni raja Nikodemus paborhat anakna i tu Tano Deli, ala partombak haminjon na bidang do nasida. Tung gabe saudagar pe muse si Saul, nunga diparhajop inon.
Sai hohom do si Saul. Manginongi rohana, aha ma ulaning muse sidohonon ni amang parsinuan on. Nantoari nunga dipaboa, adong mangalului parkarejo di maskapel kobun havea, i ma kobun karet. Ndang laho karejo di kobun, di kantor administrasi do.
“Jadi boti do, anaha, nunga boi ra tarangrangi sadihari ma parborhatmu tu Tano Deli laho mangalului panjampalan na lomak disi,” ninna Aman Saul huhut dialsip timbaho ni daret na tinohorna sian onan pasar Tarutung.
“Hualusi ma jolo ho, Bapa, ai naung tangkas do adong parkarejoan sidapothononku tu Tano Deli?” ninna si Saul mangalusi.
Sanga sundat dialsip Aman Saul timus ni sigaretna. Ai songon na risi di rohana umbege panghuling ni si doli-doli banggar on, “Unang pola ganggu roham, Anaha Saul, naung jolo manghatai do ahu dohot bapatuam par Siboga. Nang ibana pe naeng paborhatonna amparam si Jonas tu Tano Deli, jadi nunga une be rap borhat ma hamu muse. Adong karejo disi, ”
Songon na hiras do pardompakan ni si Saul umbege barita i.
“Laos manungkun ma ahu, Bapa, dohot do ho pataruhon hami tu Tano Deli?”
Ndang pintor dialusi sungkun-sungkun ni anak buha bajuna i. Dialsip timus ni sigaretna, dung i, “Boti do, Saul, tongon naeng borhat tu Tano Deli sahalak tuan pandita, sian Pearaja tu Sumatera Timur. Laos une ma rap borhat hamu.”
Hohom si Saul. Diuduti bapana muse, “Na burju do Tuan i, holan hupaboa naeng laho tu Tano Deli, nunga pintor digarar Tuan i patujolo ni hepeng tuhor ni karcis motor sian Siboga laho tu Siantar. Antong pos ma roham, gabe tolu halak ma hamu sadalanan, Tuan i, si Jonas, dohot ho, Paboaon ni Tuan i do andigan ma tingkina hamu borhat.”
Huhut unduk, dialusi si Saul, “Ai ndang hutanda Tuan i, hape ingkon sadalanan ma hami. Molo boi nian jolo marsitandaan ma hami, ndang une songon i, Bapa?”
“Ooo, na uli. Antong laho pe hita tu Pearaja asa marsitandaan ho dohot Tuan i, langgo si Jonas, sian Siboga ma ibana borhat.”
Saborngin i ndang tarpodom si Saul. Sai laho rohana tu Tano Deli naung gabe nipi di torop doli-doli halak Batak, naung pasidunghon parsingkolaanna sian luat on.
***
Analisis Ideologi, Perilaku, Hasil Karya
Ideologi
Ideologi yang diangkat dalam narasi ini adalah kombinasi antara Pietisme Kristen (terutama yang diperkenalkan oleh Misionaris Rheinische Missionsgesellschaft – RMG) dan dorongan untuk modernisasi (kemajuan) melalui sistem pendidikan formal yang diterapkan oleh pemerintah kolonial Belanda.
1.Pietisme dan sistem pendidikan
– Prinsip-prinsip Pietisme yang ditekankan oleh Tuan Pandita Gustav mengajarkan kehidupan yang penuh ketulusan (kehidupan yang saleh) serta memberi perhatian pada pendidikan sosial (dukungan terhadap pengajaran). Prinsip ini menjadi landasan bagi pembentukan lembaga pendidikan di Tano Batak.
– Pietisme tiba di Tano Batak melalui program Zending (misi) yang mendirikan lembaga pendidikan. Raja Nikodemus, figura penting, mendapatkan pendidikan dari Zending.
– Pendidikan dianggap sebagai sarana untuk mencapai kemajuan (kemajuan), yang menggairahkan tokoh-tokoh muda seperti Saul dan Johan untuk mencari pengalaman serta belajar di luar daerah.
2.Ideologi status sosial dan pembangunan
– Ada paham yang mengaitkan kemajuan individu dan keluarga dengan jenjang pendidikan tinggi (sekolah pemerintahan di Simanare atau Tarutung) dan posisi pekerjaan administrasi (kantor) di Tano Deli.
– Raja Nikodemus, meskipun dididik oleh Zending, berpendapat bahwa menuntut ilmu di Simanare (sekolah pemerintah) adalah langkah positif bagi anaknya, Saul, untuk meraih tingkat kemajuan yang lebih tinggi.
– Tano Deli muncul sebagai simbol tempat harapan dan kesejahteraan, sebuah lokasi baru untuk mencapai cita-cita yang dipandang lebih maju ketimbang kampung asal (huta).
3.Ideologi pekerjaan dan kepastian, saul mengekspresikan pandangan yang menekankan pentingnya kepastian dalam pekerjaan. Ia mengajukan pertanyaan, “Hualusi ma jolo ho, Bapa, apakah ada kepastian pekerjaan yang bisa kudapat di Tano Deli? ” Ini mencerminkan keyakinan bahwa pendidikan seharusnya berujung pada pekerjaan yang stabil dan aman.
4.Ideologi merantau sebagai kebutuhan, merantau (borhat) ke Tano Deli dianggap sebagai aspirasi bersama (nipi ni torop doli-doli halak Batak). Pandangan ini melihat bahwa migrasi dari daerah asal (Tapanuli) setelah menyelesaikan pendidikan (naung pasidunghon parsikolaanna sian luat on) adalah langkah yang rasional dan vital untuk mencapai peningkatan status sosial.
5.Ideologi kepercayaan pada tuan/misionaris, ada tingkat ketergantungan dan kepercayaan yang kuat kepada sosok Tuan (Pandita atau Misionaris). Tokoh ini bertanggung jawab atas pengaturan keberangkatan, memastikan adanya pekerjaan, dan bahkan menyediakan tiket transportasi. Ini menunjukkan bahwa kemajuan sering ditunjang oleh pihak luar (misionaris atau pemerintah kolonial).
Perilaku
Perilaku karakter dalam narasi sangat dipengaruhi oleh prinsip pendidikan dan keinginan untuk maju, yang tercermin dalam cara mereka berinteraksi dan membuat keputusan.
1.Perilaku yang mengarah pada pendidikan dan masa depan
– Saul dan Johan menunjukkan sikap giat dan berambisi dalam belajar serta ujian. Saul, sebagai contoh, didorong oleh Raja Nikodemus untuk mengulang mata pelajaran dan mengikuti ujian.
– Sikap taat dan rasa hormat terhadap orang tua atau figur senior juga tampak, seperti Saul yang rela mengikuti saran ayahnya (Raja Nikodemus) untuk belajar di Simanare atau Tarutung.
– Johan dan Saul menampilkan sikap berjuang, bersedia berpisah dari keluarga, dan menempuh jarak jauh demi mencapai cita-cita pendidikan dan karier.
2.Perilaku dalam hubungan keluarga (dalihan na tolu), meskipun berkonsentrasi pada kemajuan, nilai-nilai kekeluargaan tetap sangat kuat. Johan (berena ni si Johan, yang dapat diartikan sebagai keponakan atau sepupu) dan Saul saling mendukung dalam usaha pendidikan dan perjalanan mereka.
3.Perilaku memberi bekal atau hadiah (manuk jambe), dari ibu bagi keluarga Saul kepada Johan dan Saul ketika mereka akan berangkat ke Tarutung menandakan dukungan, harapan baik, dan ikatan keluarga yang terus terjalin.
4.Perilaku negosiasi dan tekad kuat, terdapat suatu bentuk diskusi atau debat santai di antara Saul, Johan, dan Raja Nikodemus berkenaan dengan lokasi sekolah (Simanare versus Tarutung) serta tujuan akhir (Tano Deli). Peran Raja Nikodemus sangat krusial dalam menentukan langkah pendidikan Saul.
5.Perilaku skeptis-realistis, meskipun memiliki ambisi, Saul menunjukkan sikap skeptis yang berpandangan realistis dengan meminta kepastian pekerjaan sebelum ia setuju untuk pergi. Ia tidak ingin berangkat tanpa ada jaminan, yang berbeda dengan tindakan berani yang dilakukan sembarangan.
6.Perilaku membangun jaringan (Jaringan Horong), keberangkatan Saul diatur bersamaan dengan dua orang lainnya, Jonas dan seorang Pendeta (Tuan) yang akan menuju Sumatera Timur (Tano Deli). Raja Nikodemus mengatur agar ketiga mereka berangkat secara bersamaan (sadanala). Tindakan ini mencerminkan pentingnya solidaritas dan dukungan komunitas dalam menghadapi tantangan di perantauan, sesuai dengan nilai-nilai budaya Batak.
7.Perilaku ketaatan dan penghormatan, akhirnya, Saul menunjukkan sikap taat kepada ayahnya setelah menerima penjelasan dan kepastian. Ia menghormati ayahnya dengan menyambut baik pengaturan yang telah disusun: “Ooo, na uli. Antong laho pe hita tu Pearaja asa marsitandaan ho dohot Tuan i” ‘Oh, baiklah. Kalau begitu, mari kita pergi ke Pearaja agar kau berkenalan dengan Tuan itu’.
Hasil Karya
1. Hasil karya pendidikan dan status sosial, sistem pendidikan Zending dan sekolah pemerintahan merupakan hasil dari struktur yang berfungsi sebagai dasar untuk kemajuan. Gelar dan posisi jabatan adalah prestasi individu yang dikejar Saul menempuh pendidikan di Simanare untuk menjadi pegawai administrasi dan memperoleh upah dari kantor di Tano Deli. Raja Nikodemus adalah hasil dari inisiatif Zending seorang pemimpin lokal yang berpendidikan dan mampu mengintegrasikan inovasi.
2. Hasil karya geografis ekonomi (Tano Deli)
Tano Deli merupakan produk kolonial yang diakui sebagai pusat ekonomi baru (kebun karet, biro administrasi). Kisah ini mengungkapkan bahwa hasil pertanian di Tano Batak (misalnya, ladang tradisional) dianggap kurang bernilai bila dibandingkan dengan potensi ekonomi yang ada di Tano Deli (perkebunan, kantor).
Perjuangan menuju Tano Deli (baik secara fisik maupun mental) merupakan hasil dari upaya para pemuda (Saul dan Johan), sebuah pergerakan intelektual untuk menemukan pekerjaan yang lebih “modern” dan menjanjikan.
3. Hasil karya spiritual, dalam diskusinya, Saul mengungkapkan bahwa meskipun ia berusaha untuk maju, ia tetap setia pada keyakinan spiritualnya: “Tuhan Yesus ma donganta jala sai tongtong mangaramoti hita,” yang merupakan cerminan dari ideologi Pietisme yang dianutnya secara mendalam.
4. Hasil Karya pengaturan logistik dan finansial, Raja Nikodemus, yang merupakan ayahnya Saul, berhasil mengatur perjalanan yang aman dan terjamin. Dia memastikan adanya Tuan (Pandita) yang akan mendampingi (sadanala) serta membelikan tiket perjalanan (he peng tuhor ni karcis motor) dari Siboga ke Siantar (gerbang Tano Deli). Ini merupakan buah dari perencanaan strategi untuk masa depan anaknya.
5. Hasil karya komitmen moral, keamanan pekerjaan (parkarejoan) yang ditangani oleh Tuan Pandita dan Raja Nikodemus adalah hasil dari jaringan sosial-politik yang mereka miliki. Jaminan ini berfungsi sebagai modal moral yang memperkuat tekad Saul untuk melangkah.
6. Hasil karya pembentukan identitas baru, keberangkatan ini menandai puncak dari hasil pendidikan yang diterima Saul. Ia kini bergeser dari seorang pelajar di daerahnya menjadi seorang pemuda yang siap meniti karir terdidik di tempat baru (Tano Deli). Pengalaman hidup di Tano Deli akan membentuk identitasnya sebagai perantau yang berhasil, sebuah pencapaian yang dihargai dalam komunitas Batak. (***)
Nama penulis:
1. Drs Jekmen Sinulingga MHum
2. Ginto Sianturi
3. Dion Nardi Pangaribuan
Mata kuliah: Antroposastra
Dosen pengampu: Drs Jekmen Sinulingga MHum
